Real Madridi transferon Trent Alexander-Arnoldin nga Liverpooli
Klubi spanjoll i futbollit do të paguajë një tarifë transferimi prej 10 milionë eurosh për të siguruar mbrojtësin e krahut të djathtë 26-vjeçar, kontrata e të cilit me Liverpoolin do të skadojë këtë verë
Stamboll
Real Madrid njoftoi sot se ka arritur një marrëveshje me Liverpoolin për të nënshkruar një kontratë gjashtëvjeçare me futbollistin mbrojtës Trent Alexander-Arnold, transmeton Anadolu.
Klubi spanjoll i futbollit do të paguajë një tarifë transferimi prej 10 milionë eurosh për të siguruar mbrojtësin e krahut të djathtë 26-vjeçar, kontrata e të cilit me Liverpoolin do të skadojë këtë verë.
Ai do t'i bashkohet zyrtarisht Madridit më 1 qershor, përpara Kupës së Botës për Klube të FIFA-s, e cila fillon më 14 qershor në Shtetet e Bashkuara.
Alexander-Arnold konfirmoi më parë këtë muaj se do të largohet nga Liverpooli në fund të sezonit pas 20 vitesh me klubin.
"Ky klub ka qenë e gjithë jeta ime - e gjithë bota ime - për 20 vjet. Por, nuk kam njohur kurrë asgjë tjetër, dhe ky vendim ka të bëjë me përjetimin e një sfide të re, nxjerrjen e vetes nga zona ime e rehatisë dhe shtyrjen e vetes si profesionalisht, ashtu edhe personalisht", shpjegoi ai vendimin e tij për t'u larguar nga skuadra angleze.
Duke bërë 354 paraqitje dhe duke shënuar 23 gola së bashku me 86 asistime për "Të Kuqtë", Alexander-Arnold fitoi dy tituj të Premierligës, Ligën e Kampionëve, Kupën e Botës për Klube të FIFA-s, Superkupën UEFA-s, Kupën FA dhe dy Kupa të Ligës që nga debutimi i tij në vitin 2016.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
